Bu gün qış fasiləsindən sonra U-17 Azərcell liqasında ilk turun oyunları keçirilib. Qol.Az-ın məlumatına görə, XIII tura təsadüf edən "Bakı" - "Xəzər Lənkəran" oyunu klub bazasında saat 14:00-da start götürüb.
Hər hissəsi 40 dəqiqə oynanılan oyun 1:0 hesabı ilə meydan sahiblərinin qələbəsi ilə yekunlaşıb. Yeganə qolu qonaqların qapısından qarşılaşmanın 74-cü dəqiqəsində Raul Yaqubzadə keçirib.
Bu qələbədən sonra lider "Qəbələ"dən bir xal geri qalan komandamız turnir cədvəlinin ikinci pilləsində yer alır.
Qeyd edək ki, U-17 rəqiblərinə nisbətən 1 oyun az keçirib, belə ki komandamızın "Gəncə" ilə 12-ci turda keçirilməli olan oyunu rəqibin xahişi ilə təxirə salınıb.