Bakı azarkeş qrupu Hafiz məllimi təbrik eliyir

Bu gün Bakı futbol klubunun prezidenti Hafiz Məmmədov 46 yaşı tamam olur. Ölkəmizdə və onun hüdudları xaricində tanınmış iş adamı Hafiz Məmmədov 1964-cü ilin 2 dekabr tarixində Naxçıvan şəhərində ziyalı ailəsində anadan olub. Uşaq yaşlarından idmana və futbola böyük həvəs göstərib.



Biznes sahəsində böyük uğurlar qazanan klub rəhbərinin idman sahəsində də fəaliyyəti diqəti cəlb edir. Azərbaycan Respublikasının prezidenti canab İlham Əliyevin imzaladığı 2005-2015-ci illərdə Azərbaycanda futbolun inkişafı ilə bağlı Dövlət Proqramının icrası sahəsində fəaliyyətə başlayan Hafiz Məmmədov 2004-cü ildən "Bakı" futbol klubunu himayəyə götürüb.

Bü gün ad gününü qeyd edən Hafiz Məmmədov Azərbaycan Futbol Federasiyaları Assosiasiyası (AFFA) İcraiyyə Komitəsinin üzvü və ölkənin aparıcı klublarının birinin rəhbəri kimi milli futbolun maddi-texniki bazasının yaradılması, idman infrastrukturunun təkmilləşdirilməsi, istiqamətində enerjisini və dəstəyini əsirgəmir.

Qısa müddətdə ölkəmizdə və regionda analoqu olmayan klub bazasının inşası və idmançıların ixtiyarına verilməsi, uşaq futbol akademiyasının qurulması, uşaq və yeniyetmə futbolçularımızın təlimi məqsədi ilə xaricdən yüksək səviyyəli mütəxəssislərin dəvət olunması bu işlərin yalnız bir hissəsidir.

"Bakı" futbol klubunun prezidrenti Hafiz Məmmədov ciddi, mehriban, həssas və səxavətli xasiyyəti ilə onu tanıyan insanların sevimlisinə çevrilib. Təsadüfi deyil ki, bu günlərdə klubumuzun ünvanına xoş və səmimi sözlər dolu təbriklər daxil olur.

Klub prezidentinin ad günü münasibəti ilə çoxsaylı təbrik məktubları göndərən insanlara təşəkkür edir, bütün futbolsevərlər adından bu təbriklərə qoşuluruq.

Hafiz müəllim, ad gününüz mübarək!