Azərbaycan Respublikasının xalq artisti, Dövlət mükafatı laureatı, Azərbaycan Opera və Balet Teatrının solisti Fidan Qasımova klubumuzu ziyarət etdi.
"Şöhrət" ordenli incəsənət xadimi "Bakı" futbol klubunun gündəlik həyatı və qayğıları ilə bağlı ətraflı məlumat aldı. Bakı Musiqi Akademiyası və İstanbul Dövlət Universiteti konservatoriyasının professoru Fidan Qasımova klubumuzun gənc və yeniyetmələrin idmana cəlb olunması sahəsində gördüyü işləri yüksək qiymətləndirdi:
"Burada gördüklərimdən çox məmnun qaldım. Klubunuz böyük işlər görür. Cənab prezident İlham Əliyevin idmana xüsusi qayğısı və diqqəti sayəsində ölkəmiz bütün dünyada tanınır. Gəclərin və yeniyetmələrin idmana, təlimə, sağlam həyat tərzinə cəlb olunması olduqca böyük işdir.
"Bakı" futbol klubunun fəaliyyəti mənim üçün ikiqat xoş təəssüratlarla yadda qaldı. Sizə gələcəkdə uğurlar arzulayıram, inanıram ki, "Bakı" həmişə birincilər sırasında olacaq".