Bülənt Korkmaz "Bakı"dan istefa verdi

Türkiyəli məşqçi Bülənt Qorxmaz istefasının səbəblərini açıqlayıb. B.Qorxmaz Qol.Az-a eksklüziv açıqlamasında bildirib ki, «Bakı»nı qəbul edəndə bir sıra çətinliklə üzləşəcəyini, amma onun öhdəsindən gələcəyini bilirdi: «Bura gələndən sonra futbolçuların peşəkarlığının artırılması istiqamətində bir sıra işlər gördük. Komandanın infrastrukturunu yarada bildik. "Altılığ"a düşməyi bacardıq. Amma klubdakı bəzi insanlar zaman-zaman kiçik problemlər çıxarmağa başladılar. Təbii ki, bütün komandalar peşəkar olmalıdırlar, ayrıseçkilik salmamalıdırlar. Problemlərin toplantılarda deyil, əməldə həll olunacağını söylədik. Amma mənim dediklərim olmadı, ona görə də «Neftçi» ilə dünənki oyundan sonra istefa verdim».
Bülənt Qorxmaz başda Hafiz Məmmədov olmaqla «Bakı»da ona dəstək olan şəxslərə təşəkkürünü bildirib.
Qol.Az-ın «Sizə problemlər yaradanlar kimlər idi» sualına B.Qorxmaz belə cavab verib: «Mən ad çəkmək istəmirəm. Azərbaycanda hər kəsə minnətdarlığımı bildirirəm».