Çempion son kubokun qalibini qonaq edəcək
Unibank Premyer Liqasının XXIII turu çərçivəsində martın 12-də “Qarabağ”ı qəbul edəcək “Bakı” hazırlıqlarını davam etdirir.
Komandanın bugünkü məşqi günün birinci yarısında klubun bazasında baş tutdu. Bütün futbolçuların iştirak etdiyi hazırlıq prosesi təxminən saat yarım çəkdi.
Zədədən sonra məşqlərə başlayan Əhməd Ticani və Adnan Bərəkət yalnız qaçışla kifayətlənirdi. Məşq prosesində futbolçuların əhval-ruhiyyəsinin yüksək olduğu və böyük bir həvəslə çalışdığı nəzərdən qaçmadı. Komandamız mühüm oyunöncəsi son məşqini də sabah klubun bazasında keçəcək.
Xatırladaq ki, rəqiblərin adıçəkilən qarşılaşması Ağdamda baş tutmalı idi, ancaq tərəflərin və PFL-in razılığı əsasında ilk oyunun Bakıda keçirilməsi məqsədəuyğun sayılıb.