Komandamızın braziliyalı yarımmüdafiəçisi Junior Osvaldo Martins (Juninyo) saytımıza Unibank Premyer liqasında komandanın şansları barədə danışıb.
Ötən həftə “Turan”a qarşı oyunda zədələndin . Səni yenidən nə vaxt meydanda görəcəyik?
Son zaman zədələr məni rahat buraxmır. Növbəti tur “AZAL”a qarşı oynamaq istəsəm də, təəssüf ki , bunu edə bilməyəcəm. Çox üzgünəm. İki həftəyə məşqlərə başlayacam. İnanıram ki, komanda ilk altılığa vəsiqə qazanacaq və mən çıxışımı bu mərhələdə davam etdirəcəyəm.
“Turan”la oyun haqda təəssüratların necədir?
Bu oyunda qələbə çox lazim idi. Bilirsiniz ki, bu oyunda qalib gəlməsə idik, altılıq şanslarımızı itirə bilərdik . “Turan”la oyun çox çətin keçdi. Meydançanın pis vəziyyətdə olması oyunumuza mənfi təsir etsə də, istəyimizə çatdıq. Bu oyunda özümü yaxşı tərəfdən göstərib, ilk 11 likdə öz yerimi almaq istərdim. Amma, təssüf ki, zədə buna mane oldu.
“Bakı”nı bu həftə “AZAL”a qarşı oyun gözləyir. Bu oyun barədə nə düşünürsən?
“Bakı”nın altılıqda oynamaq şansı böyükdür. Bunun üçün “AZAL”la oyunda meydanda döyüşərək qələbə qazanmalıyıq. Altılığa vəsiqə qazanmaq öz əlimizdədir, bu şansı qaçırmarıq.
___________________________________
“Bakı”nın kapitanı Cəmşid Məhərrəmov Tovuzda qazanılan vacib qələbə və Unibank Premyer Liqasının XXII turu çərçivəsində keçirilcək “AZAL” -“Bakı” oyunu barədə fikirlərini bölüşüb:
“Ötən həftə “Turan”la oyunda olduqca vacib qələbə qazandıq. Tovuza elə üç xal üçün getmişdik. “Muğan”nın “Qəbələ”ni məğlub etməsi də işimizə yaradı. İndi hər şey öz əlimizdədir. İlk altılığa vəsiqə uğrunda son oyunda var qüvvəmizi meydanda qoyub qələbə qazanmalıyıq.
Çoxları bizi bu mövsüm hesabdan silmişdi . Amma tələsməsinlər. İlk altılığa vəsiqə qazanıb, öz sözümüzü deyəcəyik. Liderlə aramızda böyük xal fərqi olsa da, Avrokuboklara vəsiqə qazanacağımıza inanıram”.
www.fcbaku.com