Bu gün “Bakı futbol klubu”nun üzvləri və azarkeşləri 2 nömrəli Uşaq-Gənclər şahmat idman məktəbinin qonağı oldular. Saat 13:00 -da start götürən tədbirə Fabio Luis Ramim ailəsi ilə birgə gatılıb.
Dünya Azərbaycanlılarının həmrəylik gününə həsr edilmiş ənənəvi şahmat turnirinin bağlanış və mükafatlandırma mərasiminin qonağı olan “Bakı”lılar qalibləri təbrik ediblər.
Məktəbin direktoru Elvin Hüseynov çıxışında diqqətə görə təşəkkürünü bildirməklə bərabər, belə tədbirlərin mütəmadi xarakterli olmasını arzuladığını vurğuladı. Sonda uşaqlar “Bakı futbol klubu”nun tarixi və nəticələrinə aid viktorinada iştirak ediblər.
Azərbaycan milli komandası və “Bakı” futbol klubunun üzvü Fabio Luis Ramim qaliblərə klubumuz tərəfindən ayrılmış xüsusi mükafatlar təqdim edib. Uşaqlar da öz növbəsində qonaqlara hədiyyələr veriblər.
www.fcbaku.com