Klubumuzun üzvləri uşaq evini ziyarət etdilər

Bu gün “Bakı” futbol klubunun üzvləri 3 saylı kimsəsiz uşaqlar evinin qonağı oldular. Uşaqlarla görüşə klub rəsmiləri, məşqçilər, uşaq və yeniyetmə futbolçular və “Bakı Fanat klubu”nun fəal fanları gəlmişdi.



Əvvəlcə uşaq evinin uşaqlarından seçilmiş komanda ilə “Bakı”nın 10 yaşlılardan ibarət komandası arasında yoldaşlıq oyunu keçirdi. Maraqlı və gərgin keçən oyunda 8 qol vuruldu. Tərəflər qolları yarı böldülər (4 : 4).

Ardından uşaqlara futbolla bağlı məlumatlar verildi, onlarla sağlıam həyat tərzinin önəmi barədə söhbətlər aparıldı. Tərbiyəçilərin də iştirak etdiyi rəsmi hissədən sonra uşaqlara klub şarfları, papaqlar, köynəklər, məktəb ləvazimatları və “Toplu Bakı” jurnalının nüsxələri təqdim olundu.

Görüş şirniyyat stolu arxasında söhbətlə davam etdirildi. Tədbirin sonunda təşəkkürlərini dilə gətirən məktəb rəhbərliyi belə ziyarətlərin mütəmadi xarakter alması arzuladı.