"Bakı" tətilə çıxdı

Unibank Premyer Liqasında yaranan qış fasiləsi zamanı 3 həftəlik təlim-məşq toplantısı planlaşdıran “zolaqlılar” hazırda istirahətə yollanıblar.



Komandamızın üzvləri Unibank Premyer Liqasının 19-cu turunun “Qəbələ”-“Bakı” (0:1) qarşılaşmasından sonra tətilə çıxıblar. Dünən və bu gün bütün əcnəbi oyunçular vətənlərinə və istirahət edəcəkləri məkanlara yola düşüblər. Klub bazasını son olaraq Dare Nibombe və Joel Epalle tərk ediblər. Braziliyalı milli oyunçumuz Fabio Luis Ramim qış tətilini Bakıda keçirmək qərarı verdiyindən Braziliyaya yollanmayıb.

Yeni il bayramından sonra təlimlərə davam veriləcək. Yanvarın ikinci həftəsindən etibarən düşərgəyə qayıdan futbolçular klub bazasında məşqlərə başlayacaqlar.

Hazırlıq planının xarici hissəsinə gəldikdə isə, ənənəvi qış hazırlıqları 2011-ci ilin 15 yanvar – 4 fevral tarixlərində Türkiyənin Antalya bölgəsində keşiriləcək.

Baza kimi Bələk ərazisində yerləşən “Su sesi” otelini seçən “Bakı” burada məsgunlaşacaq.

Təxminən, 3 həftəlik təlm-məşq toplantısı zamanı yoldaşlıq oynlarının keçirilməsi planlaşdırllır. Komandamız toplanış dönəmində üç yoxlama oyununda qüvvəsini sınayacaq.

Rəqiblərimiz tam dəqiqləşməsə də, bir sıra Avropa liqalarının təmsilçiləri ilə ilkin razılıq əldə olunub. Bunların sırasında Avstriya, Rumınıya, Ukrayna yüksək liqalarının təmsilşiləri yer alır.

Yoxlama qarşılaşmalarının tarixi və saatı barədə əlavə məlumat veriləcək.

www.fcbaku.com