Vadim: Bütün oyunlarda qalib gəlməliyik

Unibank Premyer Liqasının 18-ci turunun "Bakı"-"İnter" oyununun hazırlıqlarını davam etdirən komandamız bü günü iki məşqlə başa vurdu. Komandamızın moldovalı müdafiəçisi Vadim Borets "İnter"ə qarşı oyunun maraqlı keçəcəyini düşünür.



”Neftçi”yə qarşı kompakt oyun sərgilədik. Rəqibə qol vəziyyətləri yaratmaq üçün, demək olar ki, heç bir şans vermədik. Yaxşı oynayib, layiqli qələbə qazandıq. Hamı meydanda can qoydu. Heç kimə bu oyuna etinasız yanaşmadı. Növbəti oyun daha da məsuliyyətlidir. Çünki biz çempionatın əvvəlində zamanı çox xallar itirmişik. Ona görə də bizim üçün “İnter” və ya MOİK-ə qarşı oyunlar arasında heç bir fərq yoxdur. Bizə bütün oyunlarda qələbə lazımdır.

Əsas məqsədimiz xal qazanmaqdır. Çalışacağıq ki, “İnter”ə qarşı yaxşı oyun göstərib, qələbə qazanaq. “İnter” güclü rəqibdir, maraqlı oyun olacaq”.