"İnter"ə də qalib gələcəyikBir müddət zədə səbəbindən meydanlardan kənar qalan Xalidu Sissokonun qayıdışı uğurlu alınıb. Seneqallı qapıçımız son 2 oyunda çərçivədəki yerini inamla qoruyur. Xalidu Sissoko bu barədə belə düşünür:
: “Uzun müddət idi ki, oynamırdım. Buna görə də bir qədər məyus olmuşdum. Liderlik mənim qanımdadır. Meydanda olduğum zaman oyunu öz üzərimə götürməyi xoşlayıram. Son iki oyunda əsas heyətdə meydana çıxmağım özünə inam hissimi artırıb.
“Neftçi” ilə oyuna bizim üçün yeni mərhələnin başlanğıcı kimi baxıram. Bu həftə daha bir iddialı klub olan “İnter”lə qarşılaşacayıq. “Neftçi” ilə oyunda olduğu kimi oynasaq, mütləq qalib gələcəyik.
İlkin mərhələdə əsas məqsədimiz altıliğa”düşməkdir”.
www.fcbaku.com