"Bakı" futbol klubu Azərbaycan xalqını və bütün dünya müsəlmanlarını müqəddəs Qurban bayramı münasibəti ilə təbrik edir!
Xalqımızın əziz bayramlarından biri olan Qurban bayramı minilliklər boyu Azərbaycan xalqının ən müqəddəs bayramlarından biri olaraq qalmaqdadır. Xeyirxah və xoşniyyət tarixi izlərə malik qədim Azərbaycan xalqının nümayəndələri bu gün də həmişə olduğu kimi sevincini yaxınları, ailələri, dostları və istədiyi insanlarla bölüşür. Klubumuzun bütün üzvləri xalqımızın əziz bayramına şərik çıxır, təbriklərini ifadə edirlər.
"Bakı" futbol klubu bu gözəl gündə arzu və niyyətləriniz tezliklə həyata keçməsini, xalqımızın günü-gündən daha yüksək səviyyələrə ucalmasını, daim şadlıq və firavanlıq içində yaşamasını arzulayır!
Allah müqəddəs Həcc ziyarətində olan zəvvarlarımızın dualarını və nəzirlərini qəbul eləsin!
Bayramınız mübarək!