Unibank Premyer Liqası XII turunun maraqlı oyunlarından biri Gəncədə baş tutdu. "Bakı" meydan sahibi iddialı "Gəncə" klubunun qonağı idi. Qarşılaşmaya maraq gətirən məqamlardan biridə komandaların turnir cədvəlində qonşu olması və hər iki klubun 6-lıq uğrunda mübarizə aparması idi. "Gəncə" bu günə qədər öz meydanında məğlub olmamışdı. "Bakı" isə cari mövsüm səfərdə qalib gəlməmişdi.
Oyunda hesabı meydan sahibləri açdılar. Ceyhun Sultanov 11 metrlik nöqtədən topu qapıya göndərdi. 4 dəqiqə sonra "Bakı" uğurlu hücum təşkil etdi. Əziz Quliyevdən ötürmə alan Adnan Bərəkət bərabərlik qolunu vurdu. İlk hissə bu hesabla başa çatdı 1:1.
İkinci yarıda üstünlük tamamilə Bakı klubunun tərəfinə keçdi. Bir-birinin ardınca təhlükəli vəziyyətlər yaradan qonaqlar 69 və 72-ci dəqiqələrdə Leanardo Roşanın ifasında iki bənzər qolun şahidi oldular. "Bakı" səfər sindromunu qırdı, "Gəncə"nin isə evdə 6 oyunluq seriyasına son qoyuldu.
www.bakifc.forummum.net