Komandamlız Unibank Premyer Liqasının 12-ci turu çərçivəsində Gəncədə baş tutacaq
"Gəncə"-"Bakı" qarşılaşmasının hazırlıqlarının ilk hissəsini tamamladl. 12-ci turun oyununda iddialı "Gəncə" klbunun qonağı olacaq "Bakı" hazırlıqların paytaxt hissəsini bu gün klub bazasında keçirdiyi məşqlə başa vurdu. Bir istisna olmaqla tam heyətlə çalışan futbolçuların istəkli olduğu hiss olunurdu.
A komandanın məşqlərinə cəlb olunan Rəhman Hacıyev, Hacı Əhmədov, Səbuhi Həsənov bu dəfə səfərə əvəzedici heyətlə ilə yollanıblar. Zədəsi təzələnən Emin Cəfərquliyev isə məşqi kənardan izləmək məcburiyyətində qalıb. Emin, təxminən, 2 həftə yaşıl meydanlardan kənar qalacaq.
Sabah saat 8-də komandamız Gəncəyə yola düşəcək. "Bakı" səfər günü bir məşqlə kifayətlənəcək. "Bakı" saat 15-də Gəncə şəhər stadionunda məşqə çıxacaq.
Bunun ardından komandamızın baş məşqçisi Vinfrid Şefer intensiv məşqlərdən sonra komandanı taktiki sxemlər üzərində çalışdiracaq.
Xatırladaq ki, adıçəkilən qarşılaşma 6 noyabr 2010-cu il tarixdə (şənbə) saat 14-də baş tutacaq.
www.bakifc.forummum.net