"İnter"1 - 1"Bakı"

"İnter" - "Bakı"

1

1

1.Jaba,(oz qapisina)17.Sasha


Unibank Premyer Liqasının 26-cı turunda səfərdə "İnter"lə qarşılaşan komandamız üstün oyun və çoxsaylı qol imkanları yaratmasına baxmayaraq yalnız bir xalla kifayətləndi.

Oyunda hesab artıq ilk dəqiqədə açıldı. Rəqib müdafiəçilərin səhvindən yaralanan Jaba topu qapıya göndərdi 0:1. Bu qolla Jaba Premyer Liqada vurduğu topların sayını 9-a çatdırdı.

İkinci qol da "Bakı"dan gəldi. Təəssüf ki, bu dəfə avtoqol qeydə alındı. "Şəfa" stadionunun tablosu 17-cı dəqiqəni göstərirdi. Saşa Yunisoğlu topu uzaqlaşdırmağa çalışarkən onu Sissokonun qoruduğu qapıdan keçirdi 1:1.

Bundan sonra komandamız ən azı 3 dəfə 100%-li qol imkanı yaratdı. 2 dəfə Jaba rəqib qapıçı ilə üz-üzə qalsa da, hesabı dəyişə bilmədi. Daha bir vəziyyətdə isə Soliç komandamızı hesabda irəli çıxara bilərdi.

Meydan sahibi "İnter"in cəhdlərinə gəlincə, 78-ci dəqiqədə Elvin Əliyev və Sissokonun birgə səyləri nəticəsində qapımızın təhlükəsizliyini qorumaq mümkün oldu.

Qarşılaşmanın son saniyələrində Venio "İnter"in qapıçısı ilə təkbətək qaldı, amma bu an yan hakim müəmmalı şəkildə oyundankənar vəziyyət qeydə aldı. Halbuki, ötürmə zamanı Venio rəqib müdafiəçilərdən 4-5 metr geridə idi.

Bakı derbisini "İdman Azərbaycan" kanalı vasitəsi ilə izləyən futbol həvəskarları komandamızın yüksək sürətli və səviyyəli oyununun şahidi oldular. Bu, eyni zamanda, komandamızın baş məşqçisi Cüneyt Biçerin debüt qarşılaşması idi.

Əfsus ki, komandamız yalnız bir xalla kifayətlənməli oldu, ancaq bununla bərabər oyun keyfiyyəti baxımından azarkeşlərini xeyli sevindirdi və ümidləndirdi.