Admin Admin
İsmarıc sayı : 347 Registration date : 13/03/09
Kişi sayfası Fabio: (0/0)
| Mövzu: "Bakı" azarkeşləri Bülent Korkmazı günahlandırdı B. Yan. 24, 2010 3:07 pm | |
| "Bakı"nın fan-klubu "Birlik Kuboku"ndakı uğursuzluğa görə baş məşqçi Bülent Korkmazı günahkar hesab edir. Bu barədə Fanat.az-a açıqlamasında fan-klubun prezidenti Ruslan Hənifəyev bildirdi. Ruslan bəy komandanın uğursuz çıxışında baş məşqçi və yeni transferlərin günahkar olduğunu dedi: "Biz əvvəlcədən komandanın Moskvaya əvəzedici heyətlə yollanmasını istəyirdik. Çünki əksər ölkələr artıq bu turnirə əhəmiyyət vermir. Ona görə də komandanın ikinci dövrəyə daha səmərəli heyətlə hazırlaşması üçün "Birlik Kuboku"na əvəzedicilərin yollanmasını istəyirdik. Amma sonda prezidentimiz Hafiz Məmmədov belə qərar verdi. Biz də bu halda, "Bakı"dan uğurlu nəticə gözləyirdik. Amma bu baş vermədi. Əksinə, Moskvaya gedən əvəzedici komandanın üzvləri, həmçinin Əziz Quliyev kimi gənclər və köhnə oyunçular daha yaxşı təsir bağışladı. Yenilər isə oynaya bilmədi. Bülent Korkmaz əvvəlcədən bildirirdi ki, mənim gətirdiyim oyunçuların adaptasiyaya ehtiyacı yoxdur. İndi isə fərqli söz deyir. Bunun səbəbini başa düşmürük. Amma istənilən halda, uğursuzluğun 50 faiz səbəbkarı o, 50 faizi isə yeni futbolçulardır. Venyo və Adriano ümumiyyətlə oynaya bilmədi". Fan-klub rəhbəri uğursuzluğa rəğmən, baş məşqçinin istefasına tərəfdar deyil: "Moskvada da azarkeşlər onun istefasını istədi. Hətta Hacievskini tələb edənlər də oldu. Amma indiki halda məşqçi dəyişikliyi effekt verməyəcək. Yeni mütəxəssis gələcək, öz üslubunu qurmağa çalışacaq. Həmin vaxta qədər isə ölkə daxilindəki hədəflər də itirilmiş olacaq. Məncə, mövsümün sonunu gözləmək lazımdır. Bülent Korkmaz üçün hər bir şərait yaradılıb, istədiyi oyunçular alınıb. İndi nəticə qazanmaq qalır. Mövsümün sonunda nəticələrinə baxıb, onun haqqında qərar vermək lazımdır. Amma istənilən halda, son sözü Hafiz müəllim deyəcək". | |
|